Roberto Laxe
Lendo
os medios de prensa e vendo as noticias, xurde a sensación de que o
“caso” Barcenas semella máis un Culebron tipo Dallas, que un debate
político entre responsabéis dos proxectos que, din, van sacarnos da
crise.
As
informacións que se Cospedal “odia” a Barcenas, que a Soraya “non sabe
non contesta”, que se Rajoy faise o tonto, que se Aznar cala, e o seu
alter ego, Espe Aguirre apuntase a un bombardeo. Semella que en vez dun
partido político, onde se debate, por definición, de politica, é dicer,
dos asuntos que atinxen o conxunto da poboacion, falamos dun grupo de
amigos que xuntaronse para facer negocios e agora que as cousas ven mal
dadas, comezan a pelexar entre eles.
Para non falar do que ha tras todo isto, confundir á poboación e, sobre todo, evitar a politización do proceso, os medios, conscientemente, teñen convertido o “caso Barcenas” nun culebron xudicial, onde os pagamentos parece que faciánse a un individuo, non ao partido ao que éste sr representaba como Tesoreiro.
É
preciso acabar coa version frívola do caso Barcenas, e ir ó fondo, ao
que realmente é, a putrefacción do partido fundamental no rexime herdado
do franquismo, por elo xurde a pregunta obvia, qué ha tras esas
acusacións cruzadas de uns con outros, que interese esconden as suas
liortas?
Cada
época social constrúe e ten os seus protagonistas, mas, mentras non
xurden, as inercias inflúen mantendo os do pasado. Os Rajoy, Aznares,
Barcenas, Cospedales,…. Como noutro lado os Rubalcababas ou Pepiños
Blancos, Chacon e Chavez, etc., son todos fillos dunha época moribunda.
Dos anos 90 cando o falar de política, de loita social e proxectos
sociais estaba “pasado de moda”, pois según todos os “teóricos” tiñamos
chegado o Fin da Historia, e do que se trataba, como recoñeceu un PePero
de pro, Zaplana, era “facer negocios”.
A
iso adicaronse con forza todos eles, a facer negocios… a xestion da
cosa publica, o “facer politica” era a ferramenta para se enriquecer.
Confundían conscientemente “política” con “xestion dos talonarios e as
subvencións estatais”. Por iso non falan de política, por son uns
ignorantes na política, nunca tiveron o menor debate que non fose mais
alo de quen ía de primeiro ou segundo na listaxe electoral.
Agora,
cando as marxes dos talonarios e a subvencións fanse mais pequenos
comezan os problemas e as liortas, sae a relucir toda a súa ignorancia, o
seu carácter de capitalismo lumpen, e o unico que saben é facer é o
culebron, co metodo dos “tertulianos”, de manobras, insidias,
calumnias,….
O
que achamos tras estas pelexas é a reubicación –a recentralización do
estado é umha das suas patas fundamentais- dos sectores do capital
ligado ao aparello estatal, algun chamou-lle “capital castizo”, que
procuran manter o poder de saquear as contas publicas, o control sobre
os “talonarios e as subvencións”, agora que a tarta estreitase froito
dos recortes e axustes. Mas non pensemos que son marxinais á vida
economica e politica no Estado Español, nada mais lonxe da realidade,
falamos das grandes constructoras e empresas de servizos, OHL, ACS, FCC,
etc., falamos dos grandes bancos como o BSCH, o BBVA ou
La Caixa, falamos do nucleo duro do capitalismo español.
Mas
todo isto, que esta nos chamados “papéis de Barcenas”, non o poden
dicer porque terían que recoñecer que levan 35 anos asaltando os
orzamentos, como demonstra a recente nova de que as obras publicas no
Estado Español paganse o duplo que na Alemaña, tendo en conta que os
salarios son mais baixos; e a isto respostan os despilfarros como os 50
mil millons de euros no AVE e demáis obras faraonicas.
O
culebrón do PPSOE ten como pano de fondo a crise dun modelo de
acumulación de capital que chegou o seu final, e pon numha guerra aberta
de “todos contra todos”, que a despolitización da sociedade dos ultimos
anos convirte nun culebron que daria para ducias de “Dallas”.
A
rexeneración democrática pola que abogan alguns pasa pola destrucción
de acima abaixo de todas as interrelacions entre os partidos do rexime
(PPSOE, CiU, …), as cupulas sindicais de CCOO e UXT, que son parte do
problema, e as institucions como concellos, xustiza ou a mais
importante, a monarquía, co capital, as suas empresas e bancos. A
limpeza de corruptos supon, nin mais nin menos, que pór fin a este
rexime, e abrir un proceso constituínte que remate nunha Asemblea
Constituínte, onde todas estas institucions sexan revocadas, e a
poboacion constrúa umhas novas institucions, libres de calquer ligazon
corrupta.
Galiza, no mes de setembro do 2013
No hay comentarios:
Publicar un comentario