Xulia Mirón
Así soaba o refrán da canción
“A Minisaia”, que era famosa no estado español, cantada por
Manolo Escobar. Moitas mozas non a coñecerán, pero as máis
"veteranas" seguro que máis dunha vez cantárona no
franquismo e de feito até experimentaron o que nesa canción
dicíase, sobre todo porque os seus noivos, maridos, pais,
irmáns....así llo facían saber ás mulleres desa época.
O noso refraneiro está cheo de frases así de machistas, de posesión e de acoso ás mulleres. Un refraneiro que lembraba a idea de que iso da liberación, de ser máis independentes non estaba permitido desde as máis altas esferas do estado e a Igrexa; e que como toda ideoloxía tamén era transmitida tanto nas escolas, na rúa, como en casa.
Coas medidas que está a tomar
este goberno estamos a achegarnos a unha sociedade que
ideológicamente vaise parecendo máis á época de Franco que aos
anos de liberdade, de igualdade, polos que tantas mulleres e homes
loitamos.
Non pasou o tempo
A educación é unha parte
importante da nosa vida. Edúcasenos a ser civilizados/as para ter
unha convivencia pacífica, cos valores éticos da igualdade entre
seres humanos, entre ricos e pobres, entre irmáns/as, etc,...Cantas
veces ouvimos "están sen civilizar" cando algunha perso
fai algo que non está dentro do socialmente "normal". O
goberno lexisla para que estas normas de comportamento sexan o máis
axustadas posibles á realidade na que han de aplicarse, pero de que
realidade podemos falar.
Esta suposta “igualdade” queda
fóra cando se trata de igualdade para as mulleres. Desde que xurdiu
a propiedade privada as mulleres pasaron de desenvolver un labor
social, onde todas traballaban para o conxunto da sociedade, a ser
escravas do marido e dos fillos, a súa contorna pasou a ser a
"casa". Isto foi así durante séculos sen que a nosa vida
cambiase moito. No franquismo as mulleres non dispuñan de ningún
tipo de independencia, comezando porque non podían traballar, e se o
facían, o marido podía cobrar o seu salario; que a muller debía ir
a misa a confesión, que a muller non podía saír aos bares, que a
muller se era maltratada debía de calar porque "era o marido
que lle tocou",...isto era “normal". O que non era
normal, era ver a mulleres universitarias, mulleres que non
abandonasen o seu posto de traballo cando casaban, non era normal ver
ás mulleres nos bares, non era normal que a muller estivese nos
ámbitos da política, non era normal que a muller quixese ser un ser
humano con igualdade e dereitos.
O cambio dos costumes, da
política, os dereitos que as mulleres fomos conquistando coa loita
na época da transición e durante todos estes anos, estes dereitos
están a ser varridos do mapa dunha plumada. Aínda que hai que
lembrar que moitas mulleres aínda seguen sen ter moitos destes
dereitos, pois unha cousa son as leis establecidas no marco de
gobernos “socialdemócratas” que se rexen polos postulados dun
réxime e un sistema determinado, e outra ben distinta a aplicación
das mesmas.
Durante moitos anos fomos
conquistando leis que recoñecesen esa secuela social que é a
violencia, non só física senón tamén psicolóxica, que os homes
cometen contra as mulleres. E tamén moitos anos custou que moitas
destas mulleres atrevésense a dicilo en público. Eses pasos que
fomos dando na loita tivo os seus froitos, aínda que non todos os
que nós quixésemos, pero polo menos aprobáronse leis que
melloraron este problema, aínda que siga habendo mortas a mans dos
seus noivos, maridos, etc... As leis aprobadas polo goberno do PSOE
contra a violencia de xénero, a de igualdade entre homes e mulleres,
a lei de aborto, foron leis que abarcaban varios ámbitos, pero non
se desenvolveron en todos eles, por falta de orzamento, pero tamén
por falta de vontade de atallar estes problemas.
Leis, reformas e decretos que
promoven o machismo
O goberno do PP bota por terra
todo o minimamente conseguido até agora. Refórmase o Código Penal,
que deixa impune os delitos machistas, elimina as faltas por lesións
leves e vexacións ás mulleres, deixando a maior parte dos delitos
de violencia como "leves", aínda que as agresións
causasen lesións e danos anímicos e psicolóxicos. A ministra Ana
Mato, en boa sintonía co seu colega, aproba, acorde con esta reforma
a forma de "medir" que son malos tratos. O ministro Wert
aproba unha lei de educación reaccionaria e franquista, e igualmente
o ministro Montoro presenta a reforma da lei de réximen local onde
as competencias de servizos sociais deixarán de estar nos municipios
perdendo así a proximidade ao cidadán/a. Unha decisión que trae
graves consecuencias para as mulleres traballadoras, que son a
maioría na utilización destes servizos, non só na axuda para
vítimas de malos tratos, tamén para o resto de servizos sociais,
como a dependencia, etc.
Con todas estas reformas quedan
sen efecto a lei contra a violencia, a lei do aborto, a utilizacion
de métodos anticonceptivos, a lei de igualdade entre homes e
mulleres, e outras leis que apuntan no mesmo sentido. O PP está a
lexislar a golpe de "decreto" da maneira máis absolutista
que coñecemos nos últimos anos.
Segundo a súa propia
argumentación, os recortes son para aforrar en gasto de persoal,
vixilancia a mulleres que teñen ameazas, xulgados de violencia,
persoal dos servizos sociais,...é dicir, a perda de moitos postos de
traballo. Pero ademais, todos estes servizos serán privatizados a
cargo de compañías aseguradoras con menos persoal e peor calidade
no servizo, polo que as mulleres terán que seguir aguantando a
violencia machista veña de onde veña, cargar cos dependentes,
maiores, enfermos, etc.
A outra consecuencia destas
políticas son ben claras, a volta ao fogar de moitas mulleres,
embarazadas cada nove meses, traballar na casa e fóra dela, coidar
dos nosos maiores e dependentes.
De novo imponse o machismo nas
aulas, nas rúas e na casa.
No hay comentarios:
Publicar un comentario