Carlos Dafonte.
Que conclusións podemos ter do proceso electoral levado a cabo o 24-M
no estado español? En primeiro lugar que o ciclo político de rebeldía popular
que pon en cuestión ó réxime alicerzado arredor da constitución de 1978 e do
“pacto da transición”, que se iniciou ca derrota do candidato popular en 2004
dándolle o PSOE o goberno despois das mobilizacións contra a guerra de Iraq,
que tivo un segundo chanzo, capaz de rectificar o erro primixenio, ca ocupación
da Porta do Sol e numerosas prazas do estado, que continuou medrando cas
diferentes mareas en defensa dos servizos públicos e amosando a súa forza na
primeira “marcha da dignidade” que levou a Madrid máis dun millón de
manifestantes contra as políticas do goberno, a monarquía, a democracia
deturpada que impón o capital a traveso do PP e PSOE, que se expresa
electoralmente nas consultas das europeas, creando un grande desacougo no
réxime e no bipartidismo, chega ás eleccións autonómicas e municipais,
convertido nun instrumento do réxime, agás nalgunhas cidades onde son posibles
algúns cambios. Todo o proceso
canalizado en función dos procesos electorais e afastándose cada vez máis da
mobilización popular e avanzando deste xeito cara as xerais de finais de ano.
En segundo lugar, este ciclo político mobilizatorio, “lle chaman democracia e non o é” ou “non nos representan”, expresouse a nivel electoral na aparición de forzas políticas que o non existían, Podemos, ou existían como forza autonómica Ciudadanos e Compromis que acadan resultados importantes as dúas primeiras e no caso da segunda, veñen, ninguén lles pregunta como se financian, a posibilitar que diante da posibilidade de perda da maioría absoluta por parte do PP e PSOE, non teñan que recorrer ós nacionalistas vascos ou cataláns, ou á esquerda, despois do día 24 moi derrotada, para acada-la gobernabilidade.
O que me parece máis importante e xenuino deste cambio de ciclo son os
movementos que configuran candidaturas que chamaremos xenericamente de “unidade
popular” para as municipais, que reflicte que a crise non é só unha crise de
carácter económico, que tamén está a
producir unha crise e moi importante, na relación entre as diferentes clases
sociais presentes no estado español o que lle da á crise un carácter especial;
hai sectores, capas e fraccións de clase que non se consideran representados
polo PP, PSOE ou IU, situación que pode poñer en cuestión a continuidade do
sistema, só si a clase traballadora
asalariada ca clase obreira industrial ó fronte, implícase neste proceso como
tal clase, cousa que ata o momento non fixo, prisioneira das cúpulas sindicais
burocratizadas e da chamada esquerda política.
A nivel das autonomías, o bipartidismo, como prognostiquei no meu
anterior artigo, con dificultades pero segue a se-la referencia para acadar
instancias de goberno; non hai ningunha outra forza distinta do PP ou PSOE que
poda gobernar nas autonomías onde se celebraron eleccións agás a Comunidade
Valenciana. O PSOE necesitará pactar para chegar a determinados gobernos; fará
cambiar esta situación ó PSOE e afastalo das políticas neoliberais no
económico, que practicou dende todas as institucións nas que gobernou?. Penso
que non.
Algúns avances maiores producíronse, como afirmei, nas municipais onde
algunhas destas candidaturas de “unidade popular”, sobre as que non hai un
control definido, poden conquistar algunha cidades importantes...pero pouco
máis, que ó mellor é moito para algúns, pero pouco para os que devecemos un
cambio de estruturas fondo no estado español. Nembargantes hai que sinalar que
os ataques de determinados medios e persoeiros contra a posibilidade de que
algunha destas candidaturas acade o goberno en Madrid, Barcelona, e outras
capitais e cidades, pon de manifesto a necesidade que o capitalismo ten do
urbano para a súa reprodución, para o proceso de acumulación, para a
valorización do capital. Como sinala o xeógrafo David Harvey, “o capitalismo
necesita a urbanización para absorve-lo sobreproduto que xera continuamente” e
analiza o caso de París na época do IIº Imperio e a actuación de Haussmann
remodelando a cidade completamente ou o proxecto de Robert Moses para actuar
sobre a área metropolitana de Nova Iorque a partires dos anos corenta do século
pasado, que despois se levou a cabo na maioría dos centros metropolitanos do
país, o que unido á política militarista permitiu, a estabilidade do
capitalismo despois da guerra.
Por iso non é estraña toda a campaña, que se está a dar tamén noutras
cidades, ademais de Madrid e Barcelona, anunciando grandes catástrofes ca chegada
ós gobernos municipais destas candidaturas, a perda de importantes inversións
que “crearían numerosos postos de traballo e riqueza” nos respectivos
municipios. As grandes multinacionais, os seus medios de comunicación e os
especuladores, dixit.
Desde as páxinas deste blog levamos anos reclamando a necesidade de
reconstruir a esquerda, que non pode ser outra organización máis, que aquela
que se atope ligada ós intereses d@s traballador@s asalariad@s. Despois da
xornada electoral do 24 de maio, esta necesidade aparece como perentoria; de
non ser así, o ciclo político iniciado hai uns anos que tenta a curto prazo
transforma-lo réxime e como obxectivo estratéxico acada-los cambios estruturais
necesarios para supera-lo capitalismo, se vai ver definitivamente freado.
En Galicia no mes de xuño de 2015.
Coincido con teu análise do resultado electorai. Os 'novos' (Podemos, etc.. )non van a facer o cambio de sistema. Se limitarán a adecentalo, suavizalo, con moita solidaridade pseudo-progresista, pero nada mais. Tampouco o farán a Mareas e resto de unidades populares, na miña opinión. Si xan non levan no seus programas ningún tipo de alusión a medidas para modificar as actuales tasas de distribución de riqueza (capital), una vez ocupado o poder/poltrona iranse descolgando paulatinamente de calquer politica en ese sentido, tal como xa fixeron, en poucos meses,con as nacionalizacions, renta universal, bancos publicos municipais,etc..Seguindo a David Harvey e o seu conceto e descripción da 'acumulación por desposesión', y tendo en conta que esa extracción de rentas das clases medias e baixas xa se inciou a mediados dos ochenta, me temo que habrá que esperar algunha legislatura mais hasta que o expolio chegue realmente as osos da población y comprobemos todos que os 'novos' non fixeron nada por evitalo. E decir, debera a ciudadania cheagar a esa ''agravación, fuera de lo común, de la miseria y de los sufrimientos de las clases oprimidas'', miseria esixida nos manuais como una das tres condicións ineludibles da situación pre-revolucionaria.. Saudos
ResponderEliminar