Roberto Laxe
O sr Buitron, un dos voceiros actuais
de Podemos Galiza, na súa xestora,
dinnos despois do discurso de En Marea
no Parlamento Español, que a
"autodeterminación" non é a
prioridade.
A estas alturas, dicir que a emigración
galega, a desindustrialización /
industrialización forzada, a
precariedade inducida por unha estrutura
produtiva ao servizo do de sempre, a
produción de materias primas para
a industria allea, cunha estrutura
financeira pública, as caixas,
desmantelada e vendida ao capital,
cunha "clase" política que é como din
Beiras, "unha brigada de
demolición", ... Cun atraso brutal nas conexión
ferroviarias, postas ao servizo do
capital Central, cun capitalismo
galego dependente do capital castizo
-La Voz de Galicia é o seu
voceiro-... Coas pensións das mais
baixas do estado froito desa
desindustrialización forzada, cun
patrimonio arqueolóxico esnaquizado
porque Galiza non ten historia propio,
é España e poren non precisa do
dereito á autodeterminación.
autodeterminación, ou é ignorancia, o
cal é perdoable, ou é mentalidade
de señorito coruñés, que pensa que
Galiza é un sitio onde se come ben e
pouco máis.
Sr Buitrón, sabe que a propia Xunta do
PP, que non é precisamente
independentista, recoñece que o estado
débelle a Galiza 2.500 millóns de
euros: acaso iso non podería axudar a
evitar o desmantelamento da sanidade.
Sr Buitrón, saque a cabeza do vazquismo
máis rancio e pense: Galiza, o
seu pobo traballador, está como esta
non porque era atrasado, da aldea,
pode que o "robertdeniro"
"coruñés", Paco Vazquez, o pensara porque era
un reaccionario de “tomo e lomo”,
españolista, antiabortista e do OPUS;
tampouco o seu atraso debese a que fose
aventureiro, como xustificaba o
ditador Franco.
Non sr Buitrón, o atraso da Galiza ten
que ver coa súa pertenza ao Estado
Español, o seu carácter periférico nun
estado que é periférico na Unión
Capitalista Europea; á división do
traballo imposta por multitude de
guerras europeas e españolas, a ultima
no 36. Por acordos políticos nos
gobernos e na UE que resultan en peches
de fábricas, ou mantemento das
que aumentan a nosa dependencia...
E iso concretase no odio ou o desprezo,
no mellor dos casos, ás
reivindicacións nacionais galegas como
é o seu caso.
Como non vai ser unha prioridade poñer
no centro un dos problemas
políticos centrais que manteñen a
opresión sobre Galiza; se non fai nin
dous días que Renfe pechou nos feitos a
liña férrea Ferrol- Coruña.
Sr Buitrón, acontecería ese feito se
Galiza tivera a oportunidade de
decidir sobre os seus sistemas
ferroviarios?.
A autodeterminación, por si non o sabe,
que cabe dentro de o probable, é
a capacidade dun pobo para lexislar
sobre as súas necesidades, sen
esperar a que ninguén decida por el.
Mas a Autodeterminación ten outro
aspecto, político e ideolóxico, que é
reconstruír a unidade da clase obreira
do Estado Español, para enfrontar
as institucións que garanten a opresión
da Galiza, o Réxime do 78.
A división da clase obreira do Estado
Español non a introducen os
chamados nacionalistas periféricos,
senón xente como ud, que pon á
poboación traballadora galega en
función dos intereses do aparello central
do estado, ao negar o dereito á
autodeterminación.
A poboación traballadora galega ten
todo dereito a se autodeterminar, o
que inclúe o dereito á independencia; e
non ten porque esperar que
ninguén lle de "permiso" para
facelo.
Unha outra cousa distinta é ser
conscientes de que só desde a unidade da
clase obreira, a do Estado Español como
europea, é posible avanzar nunha
real independencia política.
Unha Galiza independente, nun marco
Capitalista e unha Europa
imperialista, terminará sendo unha
semicolonia, formalmente
independente, más realmente
dependente... Como aconteceu con tantos
outros pobos do mundo.
Só unha Galiza independente nun cadro
dunha Federación de Estados
Socialistas Europeos, pode ser
realmente independente.
Mas isto, sr Buitrón, non está na súa
perspectiva política; que limítase
a garantir, como dixo o seu xefe, Pablo
Iglesias, a "unidade de España".
Por iso, para vostede a
autodeterminación non é unha prioridade.
Mas, se queremos resolver os problemas
sociais impostos á Galiza, ao seu pobo
traballador, teremos que admitir que,
parafraseando a Bill Clinton, é a
política,
Estúpidos"!
En Galiza
no mes de marzo de 2016
No hay comentarios:
Publicar un comentario