Carlos
Dafonte.
Fidel
morreu; este acontecemento servirá para que a partires de agora e
durante un tempo, uns quererán convencernos de que a revolución
cubana foi un fracaso e Fidel un ditador sanguento, que como sempre
acontece cando se quere poñer fin ó capitalismo e á explotación
da forza de traballo, sumiu ó pobo cubano nun sistema político
carente de democracia, que só lle produciu problemas de todo tipo,
dende o illamento internacional ata lacras xa solucionadas nos países
onde habitamos, como a fame e a miseria. A est@s
os coñecemos, unhas veces chámanse dun xeito e outras teñen outro
nome, pero se chamen como se chamen, son os que levan máis de
cincuenta anos atacando a un pobo por se-lo vencedor nun proceso
revolucionario e poñer fin a séculos de oprobio, durante un tempo
baixo a bota do colonialismo hispano, e despois cando se acadou a
independencia, baixo a do imperialismo, a grande potencia situada a
oitenta millas das súas costas.
Outr@s, son @s que máis me preocupan, farán un canto á revolución dun xeito acrítico tentando de “enmendarlle a plana” ó propio Fidel, sempre moi crítico ca súa xestión que como sinalou na entrevista con Stone, sentíase un pouco avergoñado polo pouco que puido facer en favor do seu pobo.
Hai
termo medio?. Afirmo para que non haxa dubida algunha, que levo toda
a miña vida defendendo á revolución cubana e o dereito dun pobo a
toma-lo poder poñendo fin a unha tiranía, esa sí que sanguenta,
imposta por unha grande potencia imperialista e expropia-las
propiedades das burguesías foránea e autóctona, así como á
mafia, que eran propietarias de todos os medios de produción e
cambio e xestionaban a prezos abusivos os servizos máis elementais,
roubaban de moitos xeitos do erario público e sacaban os enormes
beneficios fora do país; eran tan cínicos que a quen non roubaba,
chamábanlles “come merda”.
Falan
con enorme ousadía da necesidade de democratiza-lo réxime cubano,
de que debe deixar de ser unha ditadura e converterse nunha
democracia. Significa esta posición, que defenden a existencia de
opinións diversas organizadas sobre como construír unha sociedade ó
marxe do capitalismo? Si de iso se tratara, xa existen en Cuba
opinións moi diversas sobre o que debe se-lo socialismo, máis das
que hai en EEUU sobre o quefacer do goberno, que só hai dúas e para
iso case idénticas; pero non é iso o que queren os que falan de
“democratizar Cuba” e escreben e opinan nos medios informativos.
O que nos están a dicir, e hai moit@s
persoas de boa fe que se deixan levar polo que repiten nos medios
hexemónicos, é que os cubanos non deben decidir sobre o seu futuro
en esa “suposta democracia”; posto que burguesía xa non hai na
illa, vai ser a burguesía cubano-norteamericana que vive en Miami e
noutros lugares, que seguíronse enriquecendo cos cartos que tiñan
roubado do país cando trunfou a revolución, financiada e axudada
polo imperialismo, a que organice os seus partidos en Cuba cos
medios e a axuda que o imperialismo lle preste, modificando, supoño
que previamente, as leis electorais cubanas onde non se presenta o
PC, senón cidadáns que o fan diante dos seus veciños, que segundo
os programas que presenten e o coñecemento que teñan das súas
actividades en favor da comunidade e a confianza, son elixidos para
ser candidatos.
En
Cuba cos acordos e leis que se elaboran, sempre se consideran nunha
dobre perspectiva, si van beneficiar á maioría d@s cuban@s
e si van servir para beneficiar ó seu inimigo, que quere poñer
fin ó réxime revolucionario e hai que recoñecer que o tema dos
disidentes o inimigo o pode utilizar o seu favor; todo se analiza
baixo esa óptica e non te-lo en conta te converte en cómplice do
imperialismo. Falar de democratización como si estivéramos en
Europa é unha postura cínica, cando os datos que hai sobre América
Latina nos anos que van de 1960 a 1990, as intervencións directas ou
interpostas do imperialismo, produciron máis de medio millón de
vítimas mortais, 300.000 só en América Central. Pero ós
“democratizadores” de Cuba, pouco lles importan estes datos e o
xeito como actúan os USA en América Latina.
Do
que nunca falan os democratizadores é do modelo de democracia e si
os cuban@s teñen dereito a opinar; si o
modelo vai ser o norteamericano, é dicir que unha oligarquía
goberne por medio de dous partidos sen substanciais diferenzas, a
ditadura perfecta, ou os modelos consecuencia da actuación de estes
“democratizadores” como o de Iraq ou Libia, ou un modelo europeo
como o francés, agora que Sarkozy está libre, posto que a
tradición, a historia e a loita de clases, pensan que nestas cousas
non contan, ou algo mellor como o español, cunha monarquía; total
que máis ten, o importante é poñer fin a un mal exemplo para
multitude de países sometidos ó imperialismo en todo o planeta,
exemplo de dignidade, resistencia, loita pola soberanía nacional con
servizos esenciais universais, eficaces, ó servizo da sociedade, que
practica o internacionalismo e mentres outros países mandan
exércitos para reprimir, Cuba envía educadores e médicos e cando
enviou exércitos, foi para derrotar e poñer fin a un réxime como o
de Sudáfrica apoiado polos “democratizadores”; onde @s nen@s
atópanse escolarizados e non pasan fame, onde se reduciu a
mortalidade infantil a niveles inferiores ós de USA.
Fidel
morreu, pero non debemos preocuparnos, só desaparece fisicamente un
dos personaxes máis sobranceiro do século XX, respectado e querido
polo pobo traballador da maioría dos países, mentres que ós 11
presidentes dos EEUU cos que coincidiu, cando se lles lembra é pola
maldade e os crimes que provocaron. Fidel morreu, o proceso segue
adiante, con dificultades, a construción do “socialismo nun só
país” é unha tarefa case de xigantes, enfrontándose a multitude
de atrancos; o primeiro te-lo imperialismo como inimigo, o de USA e o
da UE, soportando bloqueos económicos, políticos e intentos
constantes de desestabiliza-lo proceso dende o ano 1960, que xa no
chamado “memorandum Mallory” se afirmaba que só se podería
deter á revolución creándolle á poboación unha situación
económica de penuria; cos Kennedy non mellorou a situación, levou a
cabo a invasión en badía Cochinos e tampouco hai que esquecer as
verbas de Robert no relativo a derroca-lo réxime cubano, citadas
por N. Thompson, “É a máxima prioridade do goberno de EEUU; todo
o demais é secundario. Non hai que escatimar tempo, diñeiro,
esforzos e soldados”; a acadar ese obxectivo adicouse o
imperialismo nestas décadas, criminal e mesquiña política
internacional para a maior potencia do planeta. Que contou ca
complicidade das oligarquías europeas, os seus medios de
comunicación hexemónicos e os partidos que as defenden, cómplices
tamén de todos os desmáns que os USA cometeron no pasado, cometen
agora e cometerán no futuro.
En
Galicia no mes de decembro de 2016.
No hay comentarios:
Publicar un comentario