Carlos Dafonte
O documento político presentado ó Plenario de En Marea contén algúns
elementos que creo merecen unha análise pois configuran á nova organización, que
acadou uns importantes resultados nas eleccións ás Cortes e o Parlamento
Galego, como a forza central do cambio político no noso país. Pero ten tamén un
defecto, que é un documento moi aberto, susceptibles as súas afirmacións que
aparecen como consignas, de diferentes interpretacións. Vou dar a miña opinión
sobre algunha delas.
En primeiro lugar defínese como un movemento
político e social, superando a etapa de “partido instrumental” figura xurídica
utilizada para presentarse nos procesos electorais; supera tamén o que foi a
Alternativa Galega de Esquerdas, AGE, que non quixo ser máis que un grupo parlamentar, e significa un xeito de organizarse aberto á sociedade, a persoas independentes, movementos que xorden por reivindicacións concretas de determinados sectores sociais, candidaturas municipais e organizacións políticas; e paréceme acertado que a adcripción sexa de carácter individual evitando así, a política de cotas que deturparía o xogo democrático interno. Pero tamén lle vexo a esta formulación un elemento feble que é necesario soluciona-lo antes posible, que o eido programático establecido nos apartados, tamén aprobados no Plenario e que forman parte do documento político, pódense interpretar de moi diferentes maneiras por quen sexa afiliad@ ou se quera afiliar a En Marea, polo que cumpre que o antes posible se elabore un programa político, que como tal debe supera-lo presentado para os períodos electorais, que sexa a argamasa de todo canto En Marea debe aglutinar da sociedade galega. Programa que debe unir dun xeito dialéctico, o que é o horizonte inmediato co máis afastado, o proxecto estratéxico de país. O programa ten ademais unha función pedagóxica, poñer a discusión cuestións sobre as que a xente do común, e tampouco @s militantes, moitas veces non reflexionan abrumad@s polos problemas cotiás. Nese senso En Marea debe actuar como un intelectual colectivo. O programa debe se-lo elemento fundamental para establecer alianzas, dentro e fora de Galicia.
Alternativa Galega de Esquerdas, AGE, que non quixo ser máis que un grupo parlamentar, e significa un xeito de organizarse aberto á sociedade, a persoas independentes, movementos que xorden por reivindicacións concretas de determinados sectores sociais, candidaturas municipais e organizacións políticas; e paréceme acertado que a adcripción sexa de carácter individual evitando así, a política de cotas que deturparía o xogo democrático interno. Pero tamén lle vexo a esta formulación un elemento feble que é necesario soluciona-lo antes posible, que o eido programático establecido nos apartados, tamén aprobados no Plenario e que forman parte do documento político, pódense interpretar de moi diferentes maneiras por quen sexa afiliad@ ou se quera afiliar a En Marea, polo que cumpre que o antes posible se elabore un programa político, que como tal debe supera-lo presentado para os períodos electorais, que sexa a argamasa de todo canto En Marea debe aglutinar da sociedade galega. Programa que debe unir dun xeito dialéctico, o que é o horizonte inmediato co máis afastado, o proxecto estratéxico de país. O programa ten ademais unha función pedagóxica, poñer a discusión cuestións sobre as que a xente do común, e tampouco @s militantes, moitas veces non reflexionan abrumad@s polos problemas cotiás. Nese senso En Marea debe actuar como un intelectual colectivo. O programa debe se-lo elemento fundamental para establecer alianzas, dentro e fora de Galicia.
En segundo lugar é de salientar que se defina como “un suxeito político
de ruptura en construción”, “de impugnación do existente”, “instrumento para a
creba democrática”, o que nos leva a que En Marea, lonxe de ambiguedades e un
instrumento de combate democrático contra o réxime existente, contra o seu
sistema político, contrario ó dominio e a hexemonía burguesa e, en principio,
contra o capitalismo de corte neoliberal; é labor das mulleres e homes que
formen parte da organización conseguir que se supere esta formulación e se
autodefina como contraria ó capitalismo en calquera das súas acepcións, pois en
calquera delas, a explotación da forza de traballo, a obtención de plusvalor, a
sociedade dividida en clases, a necesidade de consumir por consumir, a
destrución da natureza, o imperialismo xenocida, a concentración e
centralización do capital, as crises periódicas, etc., son elementos
consubstanciais con ese modo de produción, que leva a sectores maioritarios de
calquera sociedade na que se ten establecido, a índices de pobreza e
discriminación inaceptables.
E como non podía ser doutro xeito, En Marea declárase republicana e o fai público o que confirma o
enfrontamento co réxime actual, baseado no sistema político antidemocrático
dunha monarquía parlamentar, que non foi sometida a referendo e aprobouse a súa
existencia, cando se aprobou a Constitución. As saídas das ditaduras de Italia
e Grecia levaron consigo referendos sobre a monarquía, que colaborara, como no
caso español co réxime franquista, co de Mussolini na primeira e “os coroneis”
na segunda, o que permitiu a proclamación de repúblicas nos países respectivos.
Ser republicano e algo máis que proclamalo e despois esquecerse ata que chega o
“14 de abril” e volve a xurdi-lo “fervor” que se abandona ata o ano seguinte.
En terceiro lugar, afirma dun xeito nidio a necesidade da
“complementariedade necesaria entre as accións institucional e social”; que na
institución tamén se está para combater por unhas ideas e aínda que serva de
pouco, moitas veces a presencia nas mesmas si permite que se coñezan mellor as
túas actividades cotiás, o programa que defendes e a necesidade de cambios.
Pero o que é imprescindible é a mobilización permanente na rúa, para o que se
necesita unha organización o máis homoxénea posible, áxil e capaz de chegar a
todos os recunchos do país; que permita o permanente contacto ca sociedade non
só dos afiliados, tamén d@s elixid@s nas diferentes institucións; e como
resultado desta actuación entre a xente a todos os niveis, a loita por crear
organización, por atraer a cantas máis persoas mellor, que acepten o programa
de En Marea.
Unha cuarta formulación que ten moito que ver co anterior, é o
obxectivo de “crear redes de solidariedade e de contrapoder e institucións
populares alternativas”, elemento fundamental para que nunha sociedade se
produzan cambios estruturais; o que eu teño denominado en numerosas ocasións, a
construción do “dobre poder”, a súa
inexistencia fai imposible, así se ten amosado ó longo da historia, levar a cabo
eses cambios estruturais fondos que a sociedade nun momento determinado da
loita de clases, demanda.
En quinto lugar “unha democracia política e económica sen restricións”.
A primeira parte da formulación, en boa
lóxica significa na miña opinión, avanzar cara a un proceso constituínte que
despexe os numerosos atrancos que a Constitución actual ten para que exista
unha democracia plena e a segunda unha vella demanda do movemento obreiro nos
tempos do sindicalismo socio-político, cando non caeran as súas direccións no
burocratismo que as deturpa, que a democracia tamén entrara nas fábricas e nos
centros de traballo; que @s traballador@s, posto que son os que producen a
riqueza do pais e que as decisións que se toman nos centros de traballo afectan
fundamentalmente as súas vidas, teñan capacidade de tomar decisións sobre as
políticas que se levan adiante.
Para ir terminando, dúas cuestións importantes, defende-lo dereito a
decidir sobre todo o que lles acontece ás persoas, así como sobre o Dereito de
Autodeterminación como pobo.
Hai algúns aspectos máis sobre os que poderíanse facer comentarios pero
o documento, por ser moi sinxelo, sen entrar a fondo en cada un dos enunciados
non pasa de ser un documento como xa dixen, de consignas sobre as que non hai
argumentos para defendelas e desentrañar o alcance dalgunhas. Supoño que En
Marea terá previsto abrir un debate sobre estes temas.
O que non me parece admisible neste documento e que non se formule
nada nin sobre o euro nin a Unión
Europea; non toma posición sobre o que esta a pasar con esa maquinaria en
crise, antidemocrática e burocrática, ó servizo da oligarquía, imperialista,
que ninguén elixe e que toma decisións de recortar dereitos, de impor políticas
económicas que só benefician ó capital .
En Galicia no mes de decembro de 2016
No hay comentarios:
Publicar un comentario