Carlos Dafonte.
O conflito entre a Administración
Central e a Comunidade Autónoma de Cataluña, que no fondo é un
episodio do enfrontamento dunha parte da sociedade catalá e as súas
institucións co réxime, ten unha característica que o fai singular
e parece que o PP e outras forzas políticas actuantes no mesmo non
teñen en conta, por ser cecais o PP a forza maioritaria nas Cortes,
unha organización cuxas raíces ideolóxicas entroncan co
franquismo: Cataluña é unha nación sen estado.
Quero dicir que non é o mesmo un conflito ca Rioxa, Cantabria ou Castela a Mancha que con aqueles territorios onde ó longo da súa historia, pero sobre todo nos séculos XIX e XX, forxouse un sentimento de ser unha nación, que percorreu a unha grande parte da súa sociedade, menor na clase traballadora, e que se pode atopar lendo e coñecendo a personaxes e historiadores como Almirall, Prat de la Riba, Cambó, Maragall, Rovira i Vigil, Soldevila, Vicens Vives, Jesús Pabón, Pierre Vilar e tantos outros que fixeron a historia dese país, chea de luces e sombras, e os que a narraron e interpretaron. Ademais, non é o mesmo onde non hai enfrontamento co réxime que onde o hai e unha parte da cidadanía de Cataluña e as institucións por ela elixidas, que representaban o Estado Español nese territorio, consideran desde hai anos, que hai que atopar outro encaixe distinto dentro do actual réxime; o Estatuto aprobado polo Parlament, as Cortes e o pobo en referendo tiña ise obxectivo, e grazas á incompetencia do PP e dun Tribunal Constitucional froito dos acordos dos partidos do bipartidismo, todo ficou en nada e hoxe as institucións de Cataluña e unha parte maioritaria da sociedade poñen en cuestión ó réxime actual, cando están pola proclamación dunha república.
Quero dicir que non é o mesmo un conflito ca Rioxa, Cantabria ou Castela a Mancha que con aqueles territorios onde ó longo da súa historia, pero sobre todo nos séculos XIX e XX, forxouse un sentimento de ser unha nación, que percorreu a unha grande parte da súa sociedade, menor na clase traballadora, e que se pode atopar lendo e coñecendo a personaxes e historiadores como Almirall, Prat de la Riba, Cambó, Maragall, Rovira i Vigil, Soldevila, Vicens Vives, Jesús Pabón, Pierre Vilar e tantos outros que fixeron a historia dese país, chea de luces e sombras, e os que a narraron e interpretaron. Ademais, non é o mesmo onde non hai enfrontamento co réxime que onde o hai e unha parte da cidadanía de Cataluña e as institucións por ela elixidas, que representaban o Estado Español nese territorio, consideran desde hai anos, que hai que atopar outro encaixe distinto dentro do actual réxime; o Estatuto aprobado polo Parlament, as Cortes e o pobo en referendo tiña ise obxectivo, e grazas á incompetencia do PP e dun Tribunal Constitucional froito dos acordos dos partidos do bipartidismo, todo ficou en nada e hoxe as institucións de Cataluña e unha parte maioritaria da sociedade poñen en cuestión ó réxime actual, cando están pola proclamación dunha república.
Polo tanto o PP nunha interpretación
particular do artigo 2 da Constitución, onde se establece a
existencia de “nacionalidades e rexións”, fórmula esa de
“nacionalidade” ca que se quixo evitar no ano 78 o concepto de
“nación”, considera que as 17 autonomías do estado poden ser
tratadas do mesmo xeito e erran e levan este conflito a unha calexa
sen saída fácil.
E se ten que enfrontar a este conflito,
sen estar preparado para elo ideolóxicamente e ter inoculado ós
seus votantes un pensamento “nacionalista hispano” o que non
permite ningunha concesión. As consecuencias de continuar no pasado,
son que só se lle ocorre resolve-lo problema dicindo que hai que
aplica-la lei e que os xuíces decidirán excluíndo facer política.
Isto pode valer noutras circunstancias, pero non cunha nación na que
unha parte da súa cidadanía, sería importante coñecer por medio
dun referendo canta, ten un sentimento que non teñen as poboacións
de rexións do estado e que polo tanto a súa resposta ó conflito
vai ser tamén diferente. Neste caso a proclamación da independencia
e a creación dunha república. Resposta que nunca se produciría
noutras autonomías agás en Galicia e Euskadi.
E cando digo que non poden ser tratadas
todas igual, non é que queira discriminar, a propia constitución o
fai, establecendo ademais distintas vías para as autonomías segundo
sexas unha rexión ou unha nacionalidade, os artigos 143 e 151; por
este último a acadarían as nacionalidades, polo primeiro as
rexións. Neste senso hai que destacar que a fortaleza electoral e
orgánica do Psoe en Andalucía, e o interese por desgastar
politicamente o goberno de Suárez, obriga e se produce a
modificación da lei de referendo, creo lembrar que por dúas veces,
para que Andalucía chegara a autonomía polo artigo 153, cando a
realidade era que só se recoñecía como nacionalidades, é dicir
nacións sen estado, aquelas que con anterioridade ó golpe faccioso
de Franco, tiveran aprobados estatutos de autonomía, circunstancia
que só se cumpría en Cataluña, Euskadi e Galicia.
A Constitución do ano 1978, certifica
procesos anteriores que o franquismo afogou en sangue, pero a
lexitimidade é anterior a aprobación da propia Constitución.
Nese senso, as xentes que militábamos
no PCG na época da transición, tíñamos moito interese de poñer
nun primeiro plano o Estatuto aprobado no ano 1936, pois o que nos
daba máis lexitimidade era ir da “lei a lei”, é dicir do antigo
Estatuto aprobado en referendo polo pobo galego, ó novo que se
elaborou unha vez aprobada a Constitución; era un xeito de dicir que
a Constitución certificaba pero non outorgaba, e menos a monarquía;
que fora a república quen desatascara un problema que durante moitos
séculos existía no estado español.
O inexplorado camiño do artigo 155
A negativa por parte do Goberno a
permitir un referendo en Cataluña e a intención de levalo adiante
por parte das institucións catalás ca axuda de numerosas
organizacións sociais, produce unha escalada do conflito que espide
ó réxime, aparece a súa faciana represiva, pero tamén pon en
evidencia que é moi difícil loitar contra un pobo organizado que
considera lle asiste a razón e defende as súas institucións por
moito que desde o nó do réxime se fagan todos os intentos para
poñer termo a esta resistencia, disposto sempre a evita-la
negociación, o diálogo, que é o que se debe utilizar para
solucionar os conflitos de carácter político en sociedades de
democracia burguesa avanzada; o xeito de tentar darlle solución como
aquí se esta a facer, indica que aínda non nos atopamos en ese
estadio da democracia burguesa. O referendo do día 1 de outubro non
é “homologable”, pero haberá algún día un referendo con
garantías?. O réxime non o vai permitir; esa é a cuestión que
indica a debilidade do mesmo fronte ás reivindicacións nacionais
Case con certeza, cando publique esta
reflexión no “Blogue Alternativa” xa se teña aplicado o artigo
155 da Constitución, artigo non desenvolvido e que polo tanto vai
crear ca súa aplicación zoas en branco, distorsións con solucións
políticas difíciles e que haxa que inventar, todo dentro dun
baleiro legal que non vai axudar. E a este panorama hai que engadir a
actitude, posiblemente de desobediencia civil dun pobo organizado
nunha grande parte, disposto a loitar por dereitos que todo pobo debe
ter como é o dereito a decidir.
Convocar eleccións desde a
Administración Central do Estado, quere dicir que o President foi
dimitido e o Parlament disolto. Pois o President é segundo lei,
quen pode disolve-lo Parlament e convocar novas eleccións. Iniciar
este proceso, se sabe como comeza, pero non como chega ó seu fin.
Pero tamén, no caso de que os independentistas se presenten ás
convocadas desde Madrid, vai ser un aliciente para que xente non
independentistas lles voten, diante do ataque que a aplicación do
155 significará para moit@s.
Pero Cataluña non só espide ó
réxime, tamén ós piares sobre os que se asenta, a monarquía, a
oligarquía e ó que polo común chamamos bipartidismo, os dous
grandes partidos que constrúen o réxime actual durante estes
corenta anos, responsables do todas as súas leis, da entrada na UE
da oligarquía e do imperialismo e no brazo armado deste último, a
OTAN.
Pois si o PP amosa a súa incapacidade
para tentar soluciona-lo conflito, o Psoe, por moito que escriba nos
seus carteis “somos a esquerda”, do mesmo xeito que denominarse
“socialista e obreiro” debe levar a unha práctica cotiá moi
afastada do seu actuar, unha organización de esquerdas tiña como
mínimo, que actuar como un contrapeso ó neofranquismo do PP e nunca
someterse ós intereses do que o PP representa.
Son consciente que a actuación das
institucións de Cataluña en mans do PDCat e ERC, ca axuda das CUP,
levan o problema a dificultades para solucionalo moi elevadas; seguro
que de ser maioritaria unha organización da esquerda d@s
traballador@s o percorrido do conflito no sería o efectuado, pero é
nestas circunstancias cando se templan os partidos e os seus líderes.
En momentos de paz social e bonanza económica é moi fácil tomar
decisións.
Neste réxime a oligarquía española é
a fracción da clase burguesa hexemónica no panorama político e
económico; sempre se di “os que gobernan sen presentarse” ás
eleccións, e a crise do réxime, e é unha crise ademais doutras
cuestións que tod@s temos presentes, que nunha parte do territorio
se poda proclamar unha república, lle afectaría grandemente, polo
que a reacción das grandes empresas de Cataluña e as que sen ser
catalás atopábanse en Cataluña, foi tan contundente, poñer fora
do territorio as súas sés sociais e algunhas as fiscais; pechan
filas arredor do réxime buscando que se poda chegar a un pacto onde
o goberno do Estado derrote ós díscolos e as súas institución
para que nada cambie; a oligarquía considera que de modificarse
algúns aspectos do réxime actual, podía deixar de ser tan
beneficiada polas políticas laborais, fiscais, de subvencións, de
utiliza-la monarquía para conseguir bos negocios no exterior e toda
outra serie de prebendas.
A monarquía tamén sae do conflito,
independentemente de como se resolva, danada; non xogou un dos papeis
que lle reserva a Constitución, o de moderadora e iso, a medio prazo
vai ter repercusións.
Máis que a división entre quen apoia
ós nacionalismos e quen atópase enfronte, a verdadeira división da
sociedade no Estado é entre os que apoian a este réxime, cada vez
máis oligárquico no económico, máís depredador c@s
traballador@s, que retorce a democracia burguesa a favor de intereses
que non son maioritarios na sociedade e que agora pensa que vai
gobernar Cataluña desde Madrid, enviando un virrei con amplos
poderes, e os que se enfrontan ó mesmo. Ata o de convocar eleccións,
bálsamo de fierabrás dos ineptos, que consideran que a celebración
das mesmas, independentemente do resultado, vai levar a Cataluña a
unha etapa de paz social e desaparición de todas as tensións.
En Galicia no mes de outubro de 2017
No hay comentarios:
Publicar un comentario