Carlos Dafonte
Nesta longa campaña
electoral que estamos a sofrir, un elemento “dinamizador” da
mesma é a enquisa recen coñecida do CIS, na que entre outros
elementos, establece algo parecido a un cuádruple empate entre os
partidos que teñen organización estructurada a nivel de todo o
territorio do estado. Esta situación nova, leva a moit@s
comentaristas a afirmar a morte do bipartidismo e o inicio dun novo
ciclo político.
A que chamábamos
bipartidismo? Ó dominio electoral e programático de dous grandes
partidos que se alternaban no goberno do país, sen que tanto un como
outro foran alternativa as políticas que practicara ó que gobernou
os anos anteriores, é dicir as políticas neoliberais no económico
que ámbolos dous aplicaban, e aínda que admitamos que si podía
existir esa alternativa nas rúas, estaba moi cativamente
representada nas institucións e nas rúas freada polas burocracias
sindicais.
Pero o bipartidismo era
algo máis que a quenda entre dous partidos, era tamén a
coincidencia en estructurar un determinado tipo de réxime, o que
conleva a construción dun estado ó servizo dunha oligarquía
financeira, a mesma que exercía o poder durante o franquismo. Polo
tanto cando algúns utilizábamos o termo “bipartidismo” non o
utilizábamos no sentido de dúas políticas, a historia dende 1876 e
a aprobación da “constitución canovista” ensinounos o que é,
dous partidos que por diferentes medios lle "venden" á
poboación esa idea paralizante, que cada un deles representan
políticas diferentes, cando a realidade é que os dous gobernan para
uns intereses e poderes moi determinados.
Tamén somos coñecedores conscientes de que si o dominio deses dous grandes partidos se creba, quere dicir que algo no réxime se creba, aínda que só ise feito non serva para poñerlle fin, pois consta de toda outra serie de "casamatas" e “trincheiras” que o defenden da aparición dunha verdadeira alternativa.
A tentación de
reconstrui-lo bipartidismo con catro partidos.
Agora
na realidade política do estado é que hai catro partidos, máis a
influenza dos nacionalismos máis poderosos, o catalá e o vasco, e o
réxime debe reestructura-la súa mensaxe para en vez de falar de
novo de centro dereita, o PP e centro esquerda, o PSOE e outras veces
a "dereita" e a "esquerda", representada polos
mesmos partidos, hoxe teña que cooptar a unha forza como Unidos
Podemos, Ciudadanos está claro onde se atopa, que representa dentro
da nebulosa que é esta estructura política, unha organización
sobre a que o réxime non ten os ancoraxes necesarios para facela
participar no novo xogo “bipartidista a catro”, perspectiva que
o CIS ven sinalando dende hai uns meses.
Polo
tanto un dos problemas do réxime é configurar un novo bipartidismo
con "catro partidos", para que non se poñan en cuestión
os piares fundamentais do mesmo como son unha monarquía parlamentar
sen división de poderes como elementos fundamentais do Estado, o non
recoñecemento do dereito de autodeterminación dos pobos, aceptación
das modificacións no Código Penal, a chamada “lei mordaza” ou o
chamado pacto antiterrorista que converte en delitos de terrorismo,
actos que hai un tempo non eran así considerados; o dominio da
oligarquía financeira e polo tanto das políticas económicas
neoliberais tendentes a restrinxir todo tipo de dereitos, tanto
económicos como políticos e sociais, que os traballadores teñen
acadado despois de moitas loitas e nunhas condicións de dureza moi
particulares no Estado Español.
Do
que se trata a fin de contas, é dunha reacción contra a xa feble é
decrépita democracia que acadamos no período da chamada transición.
Queren afogar antes que se produza, teñen indicios de que así pode
ser, a mobilización popular contra as políticas económicas que
deron como resultado a situación de empobrecemento de grande parte
da sociedade e contra o réxime cuxo piar fundamental é a
Constitución de 1978, e a necesidade para unha parte da sociedade,
de abrir un proceso constituínte.
Pero
para acadar este obxectivo contan con varios atrancos; en primeiro
lugar que a mobilización dos pensionistas e xubilados pon sobre a
mesa a axenda social, o que non permite, pensando en votos para as
próximas eleccións, que os acordos sexan unánimes; en segundo a
mobilización das mulleres fartas de vivir nunha sociedade que as
discrimina, sobre todo á traballadora, que abre tamén fendas
importantes entre eles, con un Ciudadanos que non prestou apoio algún
aínda que fora formal, ás reivindicacións e mobilización levadas
a cabo que foron das máis importantes das realizadas nestes últimos
anos; en terceiro que da man destas mobilizacións pódanse producir
outras, sanidade, ensino, que poñan de manifesto do lado no que se
atopan PP, POSE e Ciudadanos e en cuarto o que hoxe me parece moi
importante, que Unidos Podemos acepte xogar ese papel e da mán do
PSOE configuren a outra pata do novo bipartidismo, en circunstancias
nas que non se vai poder contar co catalanismo, como aconteceu nos
gobernos de González e Aznar.
Obxectivo: que Unidos
Podemos perda o seu carácter de alternativa.
E
reducir a Unidos Podemos como comparsa do Psoe estaba ben diseñado,
excluída a xenda social; só se falaría daqueles aspectos que
situaban a organización nunha actitude defensiva, e os medios de
comunicación xogan un importante papel cas súas tertulias, de
Cataluña e o amplo campo de contradiccións que este tema ten, sobre
todo para Unidos Podemos; de ETA das súas vitimas, da súa derrota
ou non, cuxa amplitude e incomodidade para Unidos Podemos tamén é
grande, non hai que esquecer que en certo momento foi a primeira
forza no País Vasco conseguindo moitos votos de nacionalistas,
socialistas e a esquerda abertzale; da construcción europea, onde
Unidos Podemos ten unha ambiguedade grande, non se coñece se pensa
en reformala, facela “máis social”, dende o meu punto de vista
tarefa imposible, ou hai que deixala caer aínda que te acusen de
confluir cos euroescepticos; de América Latina sempre ca inclusión
de Venezuela; e tamén de Irán, para nestes dous últimos casos
sacar os cobros da TV do grupo no que se atopaban algúns dos
dirixentes do que máis tarde foi Podemos; ou da saída da crise, que
é evidente que algúns números da macroeconomía están a cambiar
momentaneamente, a suba do petróleo vai ter a súa influenza
negativa, pero sempre é un tema engorroso con cifras contradictorias
dadas por uns e outros que non permite moi ben coñecer quen ten a
razón cas análises simplistas que se fan nos medios.
O
que se tenta é de facerlle a Unidos Podemos e as súas confluencias,
unha existencia política dificil ata que non se decida a remar na
dirección que o réxime considera necesario. E si esto non funciona,
sempre estará o chalet de Montero e Iglesias que sempre contará ca
axuda na campaña dalgún Alcalde de grande cidade, que critica o
feito dende a “esquerda”, pero non ten reparo a pesares do seu
“esquerdismo” a nomear a non sei que virxe non sei que, da súa
cidade.. Non importa onde viva Pedro Sánchez, nin o cuantioso
patrimonio dalgún dirixente do PSOE, ou do PP, nin canto costou o
piso de Rivera, eses poden vivir como queiran, pero os dirixentes de
Unidos Podemos non lle poden deber cartos a un banco para mercar una
“vivenda illada”, é un grave delito que os incapacita para estar
en política. A que dirixente político rebuscando na hemeroteca non
se lle atopan contradiccións? Agás Julio Anguita, de primeira liña,
creo que a ninguén. E algunhas bastante máis graves como os
escritos de Aznar contra a Constitución ou o pasado franquista de
Rajoy e ninguén lles pediu explicacións.
E si
Unidos Podemos non entra ó debate trucado, e mantén unha posición
alternativa, as dificultades as vai ter pola súa indefinición no
que PP, PSOE e Ciudadanos chaman “cuestións de Estado”, onde
ofrécense uns a outros grandes acordos, sanidade, ensino,
modificación da Constitución e das Cortes e un longo etc, onde
estes tres partidos tentan substitui-las contradiccións entre as
clases por acordos nos que Unidos Podemos non debe entrar se
verdadeiramente di defender “ós de abaixo”; e de non facelo a
presentarán como unha organización marxinal, que non merece os
votos pois non axuda a soluciona-los problemas que son “cuestión
de estado”, cando o que son é cuestión de clase. Todo o que se
fixo nestes anos na sanidade e o ensino non é outra cousa que
favorecer ós grupos privados danando á Sanidade e Ensino públicos.
E alguén pensa que un pacto sobre a sanidade, o Ensino ou as
Pensións de Xubilación con PP, PSOE ou Ciudadanos vai server para
rectifica-lo que pensan e levan aplicando os dous primeiros durante
anos?. Os que pertencemos a IU nos tempos en que era coordinador
Julio Anguita, temos moi fresca na memoria a campaña contra dil e a
organización.
Se a
organización encabezada por Iglesias e Garzón ten moito atractivo
para unha parte importante do electorado, conseguiu máis de cinco
millóns de votos, e que se pensa nela con capacidade, a pesares dos
atrancos que lle poñen e as contradiccións internas propias dunha
organización nova, para articular unha alternativa ás políticas
que dende a morte de Franco se levaron a cabo no Estado, superando o
concepto de alternancia no poder.
Pero
tamén é unha realidade que se teñen posto de manifesto nestes anos
de actividade política, poucos polo de agora, numerosas
contradiccións dentro desta organización, correntes internas moi
escoradas cara a políticas social-liberais ou as diferenzas entre o
que se dixo que se ía facer antes de entrar nas institucións, e o
que verdadeiramente se fai. A maior contradicción é circunscribir
unha parte moi importante da súa actividade política no seo das
institucións e esquecer a loita na rúa, a mobilización social
constante. Convivir á marxe d@s
traballador@s por moito que
prediques que nas institucións presentas os seus problemas, deixa a
organización illada das masas cando máis o necesita para se
defender dos ataques constantes que sofre por parte da dereita, dos
poderes económicos e dos seus acólitos nas institución e nas
cloacas do Estado.
En
Galicia no mes de maio de 2018
No hay comentarios:
Publicar un comentario