A VITORIA DE
TRUMP E A DIALÉCTICA.
Roberto Laxe
A vitoria de
Trump, e o que significa de cambio de marcha na política do
imperialismo ianqui puxo sobre a mesa a incapacidade de sectores da
esquerda para entender as leis da dialéctica, a que di que unha
acumulación cuantitativa de fenómenos e elementos da realidade,
provocan nun momento preciso (momento nodal), un cambio cualitativo
no analizado.
Tampouco comprenderon iso da interrelación universal, que todo o que existe está interrelacionado, e que desentrañar as relacións esixe un esforzo previo de diferenciar o que é diferente; descompor a realidade para aprehenderla no seu conxunto.
Non entenden
que para comprender a realidade hai que levar ata o final a unidade
dos contrarios, segundo a cal todo o existente contén no seu
interior unha loita entre forzas contraditorias que é a que a move,
o sentido do movemento vén determinado pola loita interna que se
produce entre as forzas en conflito.
E o que menos
comprenderon é a contradición, base de todo movemento; sen ela, a
realidade é estática, todo é igual a se mesmo permanentemente,
virando como sobre se mesma; e que para entender esa realidade,
primeiro hai que descompola nas súas contradicións, diferenciando o
que é diferente, e igualando o que é igual; para chegar a
conclusións na praxe. Pero a praxe non como a conciben eses sectores
da esquerda, que é a mera práctica, senón como a concibía Marx, a
praxe é a combinación dialéctica, superadora, da actividade a
través da práctica revolucionaria. É a superación da separación
burguesa da teoria e a práctica.
Traduzamos esta
disgresión filosofica: Trump e a súa base política é o resultado
da acumulación cuantitativa de multiples factores determinantes;
un, a
crise e decadencia do imperialismo norteamericano como potencia
hexemonica, que xa non pode exportar as súas crises ao resto do
mundo, e agora, como un boomerang, golpéalle internamente,
dous, do
ascenso das loitas que puxeron a Obama no poder, cando ninguén daba
un duro por que houbese un primeiro presidente negro na EE UU; foi a
mobilización de masas quen puxo a Obama, non o capital financeiro.
tres, a
decepción xerada polas politicas de Obama, contrarias polo vértice
aos intereses da poblacion traballadora que a puxese, é dicir a
traizón ao que prometeu;
catro, a
demonstración práctica de algo moi vello, de que Obama, como
calquera outro dirixente "progresista" é tolerado polo
capital cun só obxectivo, non tanto aplicar os seus políticas -para
iso xa ten os seus propios politicos- senón desmovilizar á
sociedade, a través da integración electoralista, concesión
calculada e represión (politica de reacción democrática, fronte á
abertamente contrarrevolucionaria pola que optan noutras ocasións),
cinco,
baixo Obama comezaron xa as mobilizacións sociais, desde a ocupación
durante 15 días do Parlamento de Wisconsin por miles de
traballadores e estudantes ata o Occupy Wall Street, pasando polas
folgas polos 15 dólares en Wal Mart ou comida rapida, o renascer do
1º de Maio ou, sobre todo, as revoltas contra o asasinato da
poboación afroamericana.
Todos estes
elementos xa estaban acumulandose antes da chegada de Trump ao
goberno; o salto cualitativo (o momento nodal) que modifica
cualitativamente a relación entre a poboación traballadora e o
presidente dos EEUU é cando se quitan a careta do "sorriso"
de Obama, e sae a cara agreada de Trump.
O imperialismo
norteamericano, en decadencia e crise, ten que cambiar de marcha,
para se manter nas súas contradicións mundiais cos novos e vellos
competidores (lei da interrelacion universal) ten que modificar a
correlación de forzas interna no sistema (unidade dos contrarios),
dentro do seu país (loita de clases, máxima expresión desa unidade
dos contrarios) e fora (competencia interimperialista).
A combinación
de todos estes factores fan de Trump e os seus politicas un salto
cualitativo na guerra que o imperialismo norteamericano que como
potencia hexemonica mantiña. Como todo salto cualitativo, isto non
se fai de maneira "harmónica" e "pacífica",
senón que entre eles mesmos xorden contradicións (unidade dos
contrarios), porque supoñen diferenzas e diverxencias en como
aplicar as politicas favorables ao sistema; entendido este, non como
unha suma de empresas e multinacionais, como fan materialistas
vulgares escondidos baixo o nome de "marxistas", senón un
"todo" dunhas relacións sociais de produción ao servizo
da acumulación e reprodución de capital, desde a máis pequena
empresa ate a máis grande das multinacionais. O "todo"
como superior á suma das partes, como unha realidade que intégra-as
e unifica, é un dos conceptos básicos da dialéctica.
A unidade dos
contrarios entre Clinton-Obama e Trump é que expresan a dous
sectores enfrontados da mesma clase social. Por exemplo, o
rexeitamento radical da politica inmigratoria, totalmente
indiscriminada, de Trump que mantén a industria de Sillicon Valley,
as grandes tecnolóxicas, débese a un motivo ben prosaico: o 30% da
súa forza de traballo é "inmigrante", é talento de todo
o mundo. A estes grandes burgueses non lles preocupaba a politica
inmigratoria de Obama, era moi selectiva, non tocaba aos que íban a
Sillicon Valley, só aos máis pobres. Pero Trump non fai distingos,
contra todos e todas...
Pois ben, que
os Apple, Facebook, Google, rexeiten a politica de Trump invalida o
apoio ás manifestacións en contra de Trump? Esta é a cuestión.
Que os Clinton
/Obama apoien as loitas democráticas polos dereitos das mulleres,
gais, traballadores / as (aqui xa veremos ata onde o fai, porque
tocamos o tema de clase, é dicir, a base do sistema), invalida o
apoio que hai que darlles?
Ou baixo o
"inimigo do meu inimigo é o meu amigo", resulta que ese
sector da esquerda cala ante o inimigo concreto que é hoxe quen
dirixe os destinos da EE UU, o presidente Trump, que desde o poder
político, a presidencia dos EEUU, está a adoptar unhas politicas.
O xeral, o
imperialismo, non pode disolver o particular, os estados nacionais; e
o universal, o sistema capitalista, non pode disolver o concreto, os
gobernos capitalistas. O método da dialéctica materialista é o
único que pode permitir evitar actitudes no fondo reaccionarias de,
ou ben, aos que tras o xeral e universal, silencian o particular e
concreto, os estados e gobernos actuais, claudicándolles; ou ben, o
particularismo do sindicalismo que é incapaz de elevarse do
particular ao xeral e universal, caendo no peor dos oportunismos.
Só entendendo
o momento nodales nos que unha situación dá un salto cualitativo,
unha politica pódese adecuar ao momento presente e non é enviada ao
vertedoiro da historia.
En Galiza no mes de marzo de 2017
No hay comentarios:
Publicar un comentario